Transcription
1
Monseigneur, le XXIIIIe du passé voz lettres du XVIIe
2
nous furent rendues. Le pénultième seullement, le
3
roy revint de son voyage de Fontenay et de Monceaux,
4
si bien que l’on est encores à faire response à ce que dudit
5
jour XVIIe vous escrivîés au roy. Vous aurez despuis receu
6
la dépêche du sieur de Lombes. Nous avons parlé pour
7
vous faire laisser les quatre compagnies que le roy vous
8
mande lever pour envoyer en Languedoc, mais on n’y veut
9
entendre. A tous coups on nous donne des allarmes de
10
la surprise de quelque ville en Daulphiné, hyer de Pierrelate,
11
aujourd’huy de Valance. Si telz bruictz vont jusques
12
aux oreilles de leurs majestés et de Monsegneur, se debvroit
13
estre assez à les mouvoir à vous accorder les moyens
14
que vous leurs demandés pour obvier à telz inconvénientz.
15
On parle d’aller faire Noël à Fontainebleau, et qu’après
16
Monsegneur yra devant Sancerre, premier qu’à La
17
Rochelle. Monsieur le légat a heu aujourd’huy audience
18
du roy. J’estime que messieurs d’Évènes et de Laval vous
19
auront adverty comment ilz luy présentarent votre lettre, qu’il receut
20
de fort bon cueur. Il leur dict qu’il vous escriroit et
21
se disoit grandement obligé à vous. J’estois lors avec eux.
22
Messieurs de la cour de parlement font grande poursuitte
23
et inquisition contre ceulx qui auroint entrepris de
24
saccager Paris, et y en a plusieurs gentilzhommes en poine.
25
La chose fut preste, comme je pense vous avoir escrit
26
du XIXe du passé, d’estre exequutée et proche
27
d’ung estrange désordre ; et pour y parvenir avec quelque
28
couleur, l’on faisoit courir le bruict que les enfans du
29
feu sieur de Briquemaut avoint, avec autres huguenotz,
30
[v] tué monsieur de Guyse et blécé le roy et Monseigneur.
31
Sur cela, on vouloit rechercher ce que restoit d’huguenotz
32
dans ceste ville et pour les trouver, forcer les meilleures
33
maisons et les saccager, en quoy celles de messieurs
34
les présidentz debvoint estre des premiers. Tout le
35
palaix est mervelieusement irrité et a on faict appréhender
36
au roy l’execration d’une telle conjuration. On disoit ce
37
matin que Montgomery estoit entré dans La Rochelle,
38
où il avoit mené plusieurs grandz vaisseaux bien armés
39
et chargés de tout ce qu’il faut pour la deffence de
40
la ville. C’est, Monsieur, tout ce que je vous puys
41
dire à présent de nouveau. Je présente mes très humbles
42
recommandations à votre bonne grâce et de celle de
43
monsieur de La Roche, priant Dieu,
44
Monsegneur, vous donner très longue et heureuse vie.
45
De Paris, ce premier décembre 1572.
46
Votre très humble serviteur
47
So de Boczosel